INZOZI ZIBA NYINSHI!!

Inzozi zikomeye ku mukristu : soma wumve nawe umbwire pe
posted on Apr , 02 2010 at 09H 16min 49 sec viewed 1354 times



Umunsi umwe umugore witwa Louise yarasinziriye arota inzozi zikomeye. Yarose umuntu amwandikira urwandiko, uwo muntu akaba yari ikuzimu. Kandi urwo rwandiko rwari kumugeraho hakoreshejwe intumwa. Iyo ntumwa yanyuze mu nyanja yaka umuriro n'amazuku (iyo Nyanja iri i Kuzimu) igera ku rugi rwinjira mu isi.

Louise yabonye iyo ntumwa iza ku nzu ye yinjira yitonze, maze iramukangura imubwira ko yandikiwe n'umuntu w'ikuzimu. Ni uko Louise mu nzozi n'intoki zititira afata ibarwa arayisoma. Dore iyo barwa :

" Nshuti yanjye,

Mpagaze mu rubanza ubu kandi ndumva ukwiye kugawa.
Ntiwigeze unyereka inzira kandi uyizi. Wari uzi Yezu mu by’ ukuri no mu cyubahiro cye, ariko ntiwigeze umumbwira. Ubwenge bwanjye ntibwigeze bumumenya. N’ ubwo twabanaga mu isi, ntiwigeze ibyerekeye kuvuka kwa kabiri, none uyu munsi mpagaze ncirwa urubanza kuko utigeze umumbwira.

Wanyigishije ibintu byinshi, ibyo ni ukuri. Nakwise inshuti kandi ndakwizera, ariko namenye ko bitagishobotse kumenya Imana. Washoboraga kundinda iki kibazo. Twagendanye kenshi ku manywa kandi twaganiraga kenshi nijoro, ariko hari ikintu wankinze, ntiwanyeretse umucyo. Wanyigishije kubaho, unyigisha gukunda, nyuma ndapfa. Wari uzi ko ntazabaho ubuzima bw'iteka.

Nibyo nakwise inshuti mu buzima, kandi nakwizeye mu byishimo no mu bibazo none aho bigeze, sinshobora kukwita inshuti.

Uwawe, Marshal."

Amaze kuyisoma, Louise yarakangutse. Inzozi zasaga naho ari ukuri mu bwenge, kandi yasanze ibyuya bimanuka nk'umugezi ku mubiri we.

Yavuze ko nyuma yaho yakomeje kumva icyunzwe n'umwotsi w'ibyuya mu nzu. Ubwo yakomezaga kwibaza ubusobanuro bw’ izo nzozi, yamenye ko nk' umukristu, yananiwe kuzuza inshingano ze zo kujya mu mahanga yose kubwiriza ubutumwa bwiza.

Akibitekereza , yiyemeje ku munsi ukurikira guhamagara Marshal, akamutumira mu rusengero. Mu gitondo yahamagaye Marshal; umva uko byagenze:

Louise: Hello Tom, ese navugana na Marshal?
Tom: Louise ntiwabimenye!!!
Louise: Menya iki?
Tom: Marshal yaraye apfuye azize impanuka y'imodoka; narinzi ko wabimenye!

Ese bwaba aribwo buhamya bwawe nawe? Ese uhamiriza inshuti yawe mugendana ? Cyangwa se hari inshuti yawe izajya mu muriro kubera kutamenya? Ese wayimenyesheje Yezu Kristu? Ese wowe ubwawe usoma iyi msg wamenye Kristu?

Niba utamuzi dore inama:

" Niwemera n'umutima wawe ko Yezu yapfuye akabambwa ku musaraba kubera ibyaha byawe kandi ko Imana yamuzuye kuva mu rupfu urakira."
(Soma Abaroma :10:9-10)

Niba utaramenya Yezu senga iri sengesho:

"Mana yanjye , ndemera kandi ndizera n'umutima wanjye ko Yezu ari Umwami kandi ko yabambwe ku musaraba kubera ibyaha byanjye.
Yezu mbabarira ibyaha byanjye kandi winjire mu mutima wanjye kandi umbere Umwami n'Umukiza mu zina rya Yezu Kristu Amen".