Haranira kuba Umuntu wifuzwa

WANDEBERA NDI NDE?



Ayo mateka yabo,

Bayamubwiye bayanyuranya, bayasobekeranya

Nyuma bakaza kuyahuza, abantu bahaguye

Ayo mateka mvuga, ni yo yabo



Ngo habanje urukundo,

Rujya imbu kujya imbere n’amagambo

N’amatiku n’iharabikana

N’utundi twose tugenda

v Turusenya

v Tururwanya

v Turuzibira

v Turuzitira,

v Turuzirika, rwizitura;

Ayo mateka mvuga, ni yo yabo



Ubwibone n’amashyali yabo

Uturere n’imbonezamuco yatwo

Ibisekuruza n’amateka yabyo

Ruranga ruranangira ruraganza.

Ayo mateka mvuga, ni yo yabo



Nahuye na bo, abo bana beza cyane

N’udukaratasi babatumye

N’agashwari agatutu kajojoba

Udukweto dutamirije agacucu



Kapitali bayihata ibirenge

Bagenda umujyi bagana ikigega babarangiye

Ikigega gifasha imfubyi kitagira akayunguruzo

Ayo mateka mvuga, ni yo yabo



Jye twahuriye cyber café

Nsukuma kubita imwe muri izo

Barantanga baranyegera

Umwe ati nyemerera nkwibarize

Kandi unkundire ntubogame

Wandebera ndi nde?





Ati ndebera umbwire ndi uwa nde?

Iyo undebye uku undeba ndi uwa nde?

Mu kugenda iyo undebye ndi uwa nde?

Ku mazuru iyo undebye ndi uwa nde?

Mu gihagararo umbwire ndi uwa nde?

Mu mubyimba iyo indebye ndi uwa nde?



Iyo undebye uku undeba uku ndi uwa nde?

Ati nyura imbere indebere ndi uwa nde?

Uturuke inyuma umbwire ndi uwa nde?

Mubyeyi umbwire uwo ntari uwe

Cyane umbwire icyo namugiriye

Kandi ntubogame ndabusabye





Ko ntera intambwe mbasanga Cyo ndebera

Bakandyanira inzara

Bakaruca bakarumira mpingutse

Bakandora ukuntu ntashaka

Bahererekanya udukaratasi

Bakampa bakanyambura ndeba mbwira



Ko jyewe nshaka umubano Cyo ndebera

Kandi ngashaka urukundo

Ngakunda uwo nshaka tukagenderana

Ngatumira ngatumirwa uko mbyumva

Bakandeka nkishyira nkizana, mbwira



Ko nanze kuba ingaruzwamuheto Cyo ndebera

Ngo buri gihe nsobanure iyo niriwe

Iyo mu bitaramo iyo nshatse nkahajya

Nta butelefone bunkurikirana

Kandi ntariho ku bwabo mbwira



I Bugande n’i Burundi Nkagenda kandi ngataha

Iyo muri Congo na Nairobi

Mu bitaramo aho biri hose

Concert ya Ben na John

Gatinau Montréal Toronto

Indahemuka n’umutsama

Bakandinda iterabwoba

Ntabwo jye ndiho ku bwabo



Umuturanyi arwaye musure

Umuturanyi afunze musure

Ubukwe nibutaha mbutahe

Mu gufata irembo gutebutsa

Mu kiriyo no mu kwera

Bakandinda iterabwoba

Ntabwo jye ndiho ku bwabo



Icyampa, icyampa x2

Icyampa, icyampa x2

Icyama na Muvoma

Bakiyunga bakaturekax2



Umuyaga ntugutware

Mwana wa mama

Muvandimwe wanjye

Warayize amashuli

Kandi wemera Imana

Warayize amateka

Kandi uyiga amategeko

Ukunda abantu

Abaturarwanda

Ubwokomuntu

Komera


















Icyampa agafoto ke


Si umusangwa ni udusanga

Si umukunzi ni umukundwa

Si umugenzi aje kuba iwacu



Utazi umwere yamureba

Arera hose kuva mu maso

Nta munabi nta n’umwaga

Jye icyampa agafoto ke nkagatunga

Nkita akanjye na njye ahubwo



Ndavuga umwana ntiwumve icyana

Umuziranenge kuko atazizi

Yitwa bitama asekera abanzi

Umwana, buhinja ikibondo.



Icyampa nkamufata ifoto nziza cyane Nkayirora

Nyina amuhetse ashyize i mugongo Nkabarora

Cyangwa akikiye amuha akabere Nkayirora

Avuza ubuhuha agira ngo abikire Nkamwakira

Na we yaryamye aho mu gatuza Nkayirora

Ituze ryabateye ubwuzu bombi Nkayirora

Icyampa agafoto ke nkagatunga Nkakarora



Wimureba nabi na we

Umwanda ahorana si we uwutera

Atagataga iyo mbuga yose

Agenda akotora ibyo byondo



Ari na ko agenda atamira byose byose

N’arya marira ashoka amatama Yahogoye

Na birya bimyira n’irya nduru Kirashonje

Na kirya cyaka kiruta icya se Se wamubyaye

Ashaka kwegera agatuza ngo yonke Yiyonkere

Ngo yonke ibere ni irye kandi Yiyonkere

Icyampa agafoto ke nkagatunga Nkakarora



Abarusha ubwiza uko muri mwese

Njya mbona aboza amenyo yera de

Abaruta bose nta riraraza

Umuziranenge ni nk’agatama



Ndabumva benshi babanigiramo imbere

Bakibwira yuko bawutuye umutwaro

Naho ubwo bya he, barawuhetse umusaraba

Umuvumo w’iteka ubwo ukaranda



Umuvumo w’iteka ubwo ukaranda

Iyo njya kugira, agafoto k’iwe

Nari kumukwereka amaze kugimbuka

Atera agatenesi n’abandi bahungu

Nari kumukwereka arangije kaminuza

Ayobora uruganda, ahabwa, atanga imidende

Amarira urira ubu, yajyaga kuyahanagura

None se ngire nte, yarire uyihanagurire

Iyo njya kugira agafoto k’iwe



Nababonye abahungu narababonye abakobwa bari bagiye

Narababonye ubu ni abahungu mu bandi

Narababonye ubu ni abakobwa nk’abandi



Umwana

Umwana wese

Kuva ku rubuto

kugeza avutse

Ni agatama

Umuziranenge




Umuntu ni nk'undi



Impuhwe nyinshi n'umutima mwinshi

Umwuka mwiza hagati mu bantu

Twibaze kandi twiyumvise yuko

Igihe cyose umuntu ni nk’undi



Wireba umuntu mu mpagararo ye, mama we

Mu ngendo ye cyangwa se mu isura

Ahubwo uzajye wibaza yuko, mama we

Igihe cyose umuntu ni nk’undi



R/ Kuri iyi si hariho ibintu byinshi

Ndetse bishobora kuturangaza

Ariko kandi si byiza cyane

Ntuzi impamvu uriho n’aho waturutse



Wibaza ubwawe uti ubu nzamera nte? yebaba we

Hirya no hino ntawe ukureba

Ntawe uzajya wishimira uko ukomerewe, shenge we

Gusa wiringira iyakuremye



Ureba kanaka uko amerewe, disi we

Ibyo bikakubuza gusinzira

Ukumva ushaka icyamukuraho, yebaba we

Nyamara ntacyo bizakumarira.



Umuntu ni nk’undi ni ko bikwiye, mama we

Twahuriye ino aha twigenda

Bamwe kuri iyi si turi abagenzi, shenge we

Twese turi bene mugabo umwe.



Ukwiye kugira umutima mwiza, yohohoo

Urukundo n’umubano mu bantu

Icyubahiro mbere ya byose, ayiiii

Twubahane mu buzima bw’umuntu

Impuhwe nyishi n’umutima mwiza

N’umwuka mwiza hagati mu bantu

Twibaze kandi twiyumvishe yuko

Igihe cyose umuntu ni nk’undi









Ubuzima bwiza kuri buri we

Mwifulije amahoro menshi cyane

Twese tugere ku majyambere



Dore icyifuzo cya buri muntu, muvandimwe

Amahoro mbere y’ibindi byose

Bityo twubake igihugu cyacu, disi we

Twese tugere ku majyambere

Twese hamwe tugende ku runana

Twunge ubumwe turusheho kujya mbere

Twibaze kandi twiyumvishe yuko

Igihe cyose umuntu ni nk’undi












Na njye ga ndibuka



oUranyumve na njye, kandi na njye unyumve, ndabikeneye

oUranyumve na we, amaze ukunde unyumve, uuuuuuhhh



Ndakurahiye na njye uko umbona ngira ubwoba

Kandi nkagira agahinda, agahinda kenshi cyane,

Ndakurahiye na njye karanshenguye

Wihorere untege yombi, undinde guhogomba



Ndaje nkubwire, nkubwire uko niyumva mu mutima wanjye uuuuhhhh

Nkubwire imyaka mbimaranye, mbipfunditse ahantu

Aho hantu ngiye gutobora none.



Mpatobore imivo y’agahinda

Ihashoke izo nkangu zicike

Mpabyaze ingufu z’umurava

Mpagarure ishema n’ubuyanja



Nkundira unyumve,

Nkubwire umufunzo uhaganje

Byombi n’agashinyaguro

Biharambye nako bihasaziye



Bahora bahatoneka abo bandi

Hakaninda agahinda ako kabo

Jye ngaheka umutwaro uwo wabo

Erega na njye ga ndibuka Kwibuka nyine

Ngize nti na njye ubu ndibuka Kwibuka nyine,

Na njye mba nibuka



Aho rero barawunganya umuruho



Abapfakazi bose kandi bose Aho rero barawunganya umuruho

Yaraguye iyongiyo nangwa ahangaha Aho rero barawunganya umuruho

Yarahambwe mu cyubahiro nangwa yanamye Aho rero barawunganya umuruho

Yarafunzwe uwamwishe cyangwa yarabuze Aho rero barawunganya umuruho

Yaraguye mu bitaro nangwa mu ruzi



Uwapfushije umwana akakibura ikibondo yawa Aho rero barawunganya umuruho

Yarapfushije umugaye cyangwa se ari ingabo Aho rero barawunganya umuruho

Baba ari ibibondo cyangwa se ingaragu shenge Aho rero barawunganya umuruho

Yarapfushije uwiga cyangwa se uwigisha Aho rero barawunganya umuruho



Kandi uko umureba, arababaye uwo mwana waya Aho rero barawunganya umuruho

Kandi uko uyinyuraho irahogoye iyo mfubyi disi Aho rero barawunganya umuruho

Kandi uko uyireba irababaye iyo nshuke waya Aho rero barawunganya umuruho

Nyamara uko umureba uriya mwali arahogombye cyane Aho rero barawunganya umuruho

Ngize nti nyamara uko umureba yashiriye imbere utaruzi Aho rero barawunganya umuruho

Burya umuntu ni nk’undi ntibakakubeshye Aho rero barawunganya umuruho

Umuntu ni nk’undi ni ko nkubwiye waya Aho rero barawunganya umuruho



Ni yo mpamvu nkubwira urabyumve Na njye ga ndibuka

Ko umuntu ari nk’undi jye nawe Na njye ga ndibuka

Nkongera nkakubwira urabyumve Na njye ga ndibuka

Nkabisubiramo ngira nti byumve Na njye ga ndibuka

Kwibuka nyine Na njye ga ndibuka

Nk’imfubyi yose mureba Na njye ga ndibuka

Nk’umupfakazi wese muhuye Na njye ga ndibuka

Nk’uwapfushije wese wabonye Na njye ga ndibuka

Nk’uwaburanijwe wese wabonye Na njye ga ndibuka



Aho rero barawunganya umuruho



Kandi ndakubwiye nti byumve Na njye ga ndibuka

Si irenga ngucira urabyumve Na njye ga ndibuka

Ni inama nkugira izisumba Na njye ga ndibuka

Agahinda ni kabi ibyo urabizi Na njye ga ndibuka

Sinshaka kukiharira na njye Na njye ga ndibuka

Kuko umuntu ni nk’undi urabimenye Na njye ga ndibuka

Ubwo ni uko nkubwiye urabyumve Na njye ga ndibuka

Umuntu ni nk’undi urabimenye Na njye ga ndibuka




Rumpe urumpate


Rumpa rumpe urumpate

Ndasaba urukundo, rwogakundwa

Rwokaramba, ibihe bikaruhana

Ndarusaba Imana, ni yo irutanga

Kandi mana ntukureho n’ibango

Nta n’umunaniro iteka urarumpe

Umpe urukundo kandi urumpate



Ibindi byose natse ndabihagaritse

Arya mafaranga, yareke rwose

N’iyo wampa, wampaho dukeya

Ubonye ntacyo wampa twinshi

Nangwa yenda mana ukampa uturinganiye

Na ko yo yareke, ntazaduteranye



Ngusabye urukundo Mana

Ngo urumpe urumpate

Ibindi nari narasabye,

Ndabiretse byose :

v Ubwato mu mazi, butwara abakungu

v Urudege rwiza

v Na gari ya moshi, byose bitaha iwanjye

v Inyanjya iringaniye,

v Yanjye bwite

v Ndabiretse Mana

v Mpa urukundo



v Ishyamba rinini

v Rishokamo umugezi

v Wanjye bwite

v Akazuba karinganiye

v Kakarasa aho nshaka gusa

v Kakota uwo nshaka gusa

v Ndabiretse Mana, mpa urukundo



v Akayaga gahuha bukeya

v Kagataha iwanjye

v Inyenyeri igihumbi

v Nkazita amazina

v Imbunda rutura

v Nkica uwo nanga

v Ndabiretse byose, nari narabisabye



v Nakwatse abana,

v B’ibitsina byombi

v Ukagira misago

v Ugashyiramo impanga

v Ugashyiramo umugaye

v Nkamurera na njye

v Na nyina ubabyara

v W’ubwiza buringaniye

v Ndabiretse byose, Mana mpa urukundo



Rumpe urumpate se Mana

Nirwenda runsaze ndabisinyiye

Mporane imbabazi ndangwe n’impuhwe

Nkunde abakene na zirya ntabwa

Nkunde imfubyi nsure imfungwa

Nkunde abagombe nkunda abanzi



Rumpe rwuzure mu gituza

Nsure imbabare ziri mukaga

Nsure indembe kwa muganga

Singakingirane Lazaro

Rumpe mana ndushire inyota



Urampe urukundo

v Nk’urwa aburahamu, Yakunze Sara, Akarukunda Yehova,

v Agatamba igitambo gitangaje, Agatamba isaaka

v Urampe urukundo



v Urampe urukundo,

v Nkunde abahutu, Kandi nkunde abatutsi

v Mbatoze urukundo , Na bo ubwabo bakundane

v Babane nk’abantu, Abantu bagira ubuntu

v Abantu bagira imbabazi, Abantu bubahana

v Bakareka agasuzuguro, Bakareka guhangana

v Bakagira urukundo, Mana mpa urukundo



v Nk’urwa Yakobo , Yakunze Recheli

v Nk’urwa Juliette, Yakunze Romeo

v Nk’urwa Gatera, Yakunze Egidia

v Nk’urwa Yolanda, Yakunze icyama

v Nk’urwa Titanike, Yakunze Rosa

v Urampe urukundo , Urarumpe cyane



v Nk’urwa Damiyani, Yakunze ababembe

v Nk’urwa Fororini, Yakunze imfubyi

v Urampe urukundo

v Nk’urwa Padiri Ferepo, Yakunze abamugaye

v Akarukunda abatumva, Akarukunda abatabona

v Abakambakamba

v Nk’urwa Mère Tereza, Yakunze abahindi

v Urarumpe urukundo

v Urarumpate, urampe urukundo





Urampe ingabire yo kurukwiza

Na zirya ntambara n’imirwano

Na burya bwicanyi n’ubujura

Ni urukundo ruburamo imbere



Abaroga abandi bararushonje

Abiba abakene barushonje

Duhe urukundo ruduhe rwo gusa

Mana yacu cyo ruduhate x2




Abasangirangendo


Mu biganiro byanyu, bimwe muganira mubabaye cyane

Mwibuka mwibukiranya birya bihe

Inyuma aha, hariyo byinshi ,

Byinshi nkomeza isesengura nkayoberwa.



Harimo abangwa n’abanga,

Abahunga n’ababahiga ,

Abihishahisha, n’ababahishura,

Abirukankanwa n’ababirukankana,

Bitera kwibaza cyane ku zindi ngeri z’abanyarwanda.



Ukabibazaho,

Ku barwayi bari mu bitaro

Ku barwaza bari bagemuye

Ku babyeyi bari ku kiriri

Mayibobo zo mu mihanda

Ku bagororwa bari bafunze

Ku ivuriro ry’i Ndera waya !!



R/ Nkanabibazaho cyane cyane

Bene Ferepo b’i Gatagara

Abatabona n’abatumva

Abagendera mu magare

Nkabatekereza uko babivarutse



Muti mwihishahishaga mu myobo Mu bisenge no mu bizenga

Muti mwabivunjaga ibyo bishanga Mukagenda amajoro yose

Muti mwanaguriraga abo batindi Mukanibuka mugusenga

Oya ntabwo bo babibashije,



Muti mwambutse mujya za Goma na Bukavu Mukambika inkombe z’ikiyaga

Za Kiyumba , Katale na Mugunga

Nyangezi, na Pandi, na Inera

Za Kashusha, Nyamirangwe n’ahandi



Ngo Barazisenye mufata iy’ishyamba , urugendo rurerure

Ngo mugenda ibisi bya Ngweshe, n’ibya Walungu

Ibya Kalehe n’ibya Masisi

Imigezi n’ibishanga bya Lowa na Lubutu

Uwa Maiko na Ulindi

Shabunda Kindu, Walikale Kisangani

Tingitingi we wokabyara ugaheka



R/



Basarangindonge nebe Fepore, mbahojejege ishyonta mu inazi rya paridi

“Iyo ivunzo zinyerwa, harababa itsibya zirwamoyeni”

Nimuregi urundoku, tungwera no kurashyi mweha

No gufanyasha byo mugera wa paridi fepore;

Tunerwa iyo guhakarugu, iyo kuragu apayire na neka

Iyo kubare mvaku no kugavu; Iyo guhananga n’ubuneke n’ujijibu

Amaroho



R/



Nguko uko mbyibazaho cyane cyane

Nguko uko mbyibazaho cyane cyane






Ndagiye


Numva ntamewe neza

Iteka mporana ubwoba

Kandi ngahorana intimba



Ndicara ngahaguruka

Nagenda nkumva nanirwa cyane

Yemwe mbunza imitima

Ubwoba bwatashye aho ntinya



R/Ndabizi tuzakumburana

Nzajya mbanyarukiriza intashyo

Na mwe muzajye mubigira uko

Amahoro, amahoro



Umwuka nywita umuyaga

Urumuli ndarwita izuba

Ikiro kiramvuna nka toni

Ndabona inzozi aho ahose

Igihugu cyashushe nka gereza



Ndagiye bagenzi mubeho

Nsohotse mu iri taba lihanamye

Ntabwo mbanga sinabirota

Ni ubu bwoba bumbuza amahwemo

Ndagiye, ndagiye



R/Ndabizi tuzakumburana

Nzajya mbanyarukiriza intashyo

Na mwe muzajye mubigira uko

Amahoro, amahoro



Nzakumbura barya bahinzi na bashumba amahoro, amahoro

Nzakumbura ubudehe, amazina y’inka na kwidoga amahoro, amahoro

Nzakumbura abahungu bashora n’abandi binikiza amahoro, amahoro

Nzakumbura urya mubano wacu wuje urugwiro amahoro, amahoro

Nzakumbura benshi nzakumbura byinshi ndabizi amahoro, amahoro



Nzaza mbasure nimbona hakeye

Iki kirere gikeye cyose

Amahoro, amahoro

Amahoro naza nzaza Nzaza nzaza



Nzaza ndebe ko Pasi yabyaye abakobwa

kandi akabyara abahungu na none Nzaza nzaza

Nzaza ndebe ko Dancila yakomeje kubarera

akabaha indero nziza abagira imfura i Rwanda Nzaza nzaza

Nzaza ndore ko bakitonda Yohanita na Xavera,

bagacisha makeya agakunda abagenzi Nzaza nzaza

Nzaza ndebe ko Beatrisa, Habiyambere

na Ntegekurora bagikundana bose Nzaza nzaza

Nzaza kandi nzabasura abo bose nzabasuhuza Nzaza, nzabasuhuza



Ba Bonifasi na Nzaligema Nzabasuhuza

Ba Alizari na ba Gashirabake Nzabasuhuza

Ba Nkurunziza na ba Damascenti Nzabasuhuza

Ba mukecuru na Nyarusaza Nzabasuhuza

Ab’i Nyarushekera ndabazirikana Nzabasuhuza

Abo ku Kinaba no ku Muremure Nzabasuhuza

Ab’i Nyarukeri muraho murakoma Nzabasuhuza

Ba Elisephani ndacyagushimira Nzabasuhuza

Muri Rutoyi no ku nganzo Nzabasuhuza



Ab’i Gatagara Kigoma na Mayanjye Nzabasuhuza

Ndavuga Bene Ferepo Nzabasuhuza

B’urukundo gusa gusa Nzabasuhuza

Uti ngwino ntibaze Nzabasuhuza

Ukamwereka ntarore Nzabasuhuza

Umubwira ntiyumve Nzabasuhuza

Ugashima aho ataribwa Nzabasuhuza

I Rwamagana n’ab’i Gikondo Nzabasuhuza

Mu Rwunge rw’i Butare na gapitali Nzabasuhuza









Ntiduhuze


R/ Ni byinshi cyane unyuraho ugatekeraza

Kenshi ugasanga bishusha n’amayobera

Washaka kubishyira i bwongo bikanangira

Ukabihatamo byanga ntiduhuze



Hari ubwo waba nyirasenge w’uwahekuwe

Cyangwa ukaba uri nyina wabo w’uwamwiciye

Hari ubwo ujyana umuturanyi mu rukiko

Hakaba ubwo nawe bazinduka bakujyana



Iyo utari ku butegetsi utegura imyigaragambyo

Wagera ku butegetsi ugafunga abigaragambya

Hari ubwo impamvu zikubaho ukaba mu bigaragambya

Hakaba n’izindi zizatuma wanga abayikora bose



Ikipe yawe iratsinda ugakoba abandi

Ikipe yanyu yatsindwa ukamwaragurika

Hari ubwo wibaza ikintu kimuliza ntawe umukubise

Sigaho ntiwamenya impamvu biterwa n’aho ubirebera



Hari abavura rubanda bakabasubizamo umwuka

Hari abarinda amagereza ngo batagira ka liberté

Hari abarara bakanuye bashaka icyakiza umuntu

Hakaba abaneka bashaka uwo baha leta ngo imwice



Uca imanza none, ejo ukaba uzicibwa na we

Wimana amashuli none, ejo bakayakwima na we

Wifuza sinya yabo abo basitari

Ejo waba stari ugashaka abakurinda

Wivuza indwara none, ejo ukavura abarwayi nawe

Wiga kwandika inyuguti none, ejo ukaba uyiyobora kaminuza



Dore baramwishe Gandhi kera, kandi ubuhinde burigenga none

Martin luther King, baramwivuganye, None nawe reba nawe umbwire

Baramufunga Mandela baramuhashya, Asohokamo yemye kandi abarira



Dore wica Pierre none, ejo umwana wakunze akicwa n’agahinda

Lumumba baramwishe kera, None barapfuye ba wazabanga

Dore baramwishe Kayibanda, None barapfuye ba camarades

Ililililililililililili





Umuntu uko namubonye



Hariya hirya umva

Hari abagabo umva

Hari abagabo umva

Maze barahiga umva



Umwe ati ndi isata

Isatura amabuye

Undi ati ndi inkuba

Ihindira mu bicu

Undi ati intare

Itontoma mu ishyamba

Bose barahiga



Umuntu iyo umwumva mu mihigo

Wumva yivovota,

uramwumva ugatangara

Ugira ngo ni umuntu

Kandi ari umuntu

Umuntu gusa, gusa

Umuntu nyine



Umuntu Umuntu

Umuntu uyunguyu muhura

uyunguyu ujya ureba

N’imbaraga umusangana

N’ubwiza kavukire

N’ikimero n’igitwenge

Ni akandi gati tutazi



Ati nanga amagambo, Kandi ari kuyatara

Ati nanga ababeshya , Kandi ari kugupanga

Wafata telefone, Ati mubwire ko nta reseau



R/Ni uko namubonye umuntu

Na we wamubonye ukuntu

Na njye namubonye ukuntu

Na we nakubonye ukuntu

Ni uko namubonye umuntu



Uwariwe wese uturitsa igisasu akaryama

Iyo aguye aramwara, Yananirwa akaryama

Iyo ahiye arahuha, Yasonza agafungura



Uwariwe wese aterwa n’ababisha agahuruza

Iyo icyorezo cyadutse na we azinduka ahoza

Akajya kwaka agafunguro



Iyo ushatse kumumenya:

Umushyira ku butegetsi, Agakanda rubanda

Umuhereza intwaro, agacuza abaturage

Umuhereza inoti, akayamarira mu bali

Umushyira aho ataruzwi, agakora amarorerwa

Kandi iyo ntawe umuruzi, aho ushobora kumumenya



Iyo urwaye itazakira,aho umuntu uramumenya

Uyo ufunzwe burundu,aho umuntu uramumenya

Iyo ugeze mu mage,aho umuntu uramumenya

Iyo mugendanye irya manyinya na magana aragukunda

Mwagera ku kazuba, akakwereka uwariwe

Ubwo umuntu ukamumenya



R/Ni uko namubonye umuntu

Na we wamubonye ukuntu

Na njye namubonye ukuntu

Na we nakubonye ukuntu

Ni uko namubonye umuntu



R/Yoooooooooooooo Ka nze mbabwire umuntu

Ka nze mbabiwre umuntu Mbabwire uko namubwonye

Ngo mu biremwa byose ni we ubisumbya ubuntu



Umuntu, Iyo intambara iteye

Barasahurana ukumirwa, Bagaseba ukabayoberwa

Ukagira ngo urarota, Kandi atari inzozi



Iyo intambara iteye , Burya akwira imishwaro

Umuntu akaba umuntu

Za ntege nke ze yahishaga, Mu rukundo rw’ibintu

Mu ishyali n’ubugugu, No mu rwango rw’abandi

bigasohora amajanja

Ubwo ukamubona uko ari , Akaba umuntu nyine





Umuntu, Iyo intambara irangiye x2

Iyo intambara irangiye jyewe narumiwe

Yigira nyoni nyinshi , Agashinja abatunze

Akabakoroga abazungura

Ntakaraba ibiganza, Kandi yarabyanduje

Ntashaka kugaruka , kandi yarawutaye

Aha ndavuga umurongo



R/Yoooooooooooooo Ka nze mbabwire umuntu

Ka nze mbabiwre umuntu Mbabwire uko namubwonye

Ngo mu biremwa byose ni we ubisumbya ubuntu



Umuntu, Iyo ntawe umureba

Aziguruka ubutwali ,akibera ikigwali

Yandarara nk’abandi, yandavurana n’uhise

akaba indaya mu zindi, Akaba ibandi mu yandi

Agakebaguzwa nka njye,Na njye ga ndi umuntu

Ngize nti na njye ga ndi umuntu

Erega ubu na njye ga ndi umuntu

Ndeba ubu na njye ga ndi umuntu



Umuntu, Iyo amaso amureba

Ararimba akaberwa, Akikoraho rikaka

Agahumbika amaso, Ukagira ngo ni Ange

Wareba iryo hogoza , Uti umuntu hariya

Ukanyerera ugatemba



R/Yoooooooooooooo Ka nze mbabwire umuntu

Ka nze mbabiwre umuntu Mbabwire uko namubwonye

Ngo mu biremwa byose ni we ubisumbya ubuntu



Umuntu uwo mwumva mbabwira kandi x 2

Ni imfura arakabyara

Iyo kwemereye, akakwemerera

Akumanyurira ku rukundo atunze

Rukakuzamura ugatura inyenyeri



Iyo yishimye aguha ibyo ushaka byose

Arangwa n’impuhwe akagira urugwiro

Aratabarana akarandata unaniwe

Agira ubutwari akarengera urengana

Umuntu ni uwo nguko uko namubonye



Ni uko namubonye umuntu

Na we wamubonye ukuntu

Na njye namubonye ukuntu

Na we wamubonye ahantu

Na njye namusanze ahantu

Kandi ndamubwira abantu

Ukagira ngo uramuzi umuntu

Ni uko namubonye umuntu